वीरगञ्ज, पर्सा — पर्सा जिल्लाको वीरगञ्ज महानगरपालिकाबाट एक भारतीय नाबालिका रहस्यमय रूपमा बेपत्ता भएकी छन्। भारतको बिहार राज्य निवासी सिद्धि मिश्रा २०८३ साल वैशाख १६ गते बुधबारदेखि वीरगञ्ज क्षेत्रबाट सम्पर्कविहीन रहेको उनका परिवारजनले जानकारी दिएका छन्।
परिवारका अनुसार सिद्धिको खोजीका लागि विभिन्न स्थानमा व्यापक खोजतलास तथा आवश्यक प्रयासहरू जारी राखिए पनि हालसम्म उनको कुनै अत्तोपत्तो लाग्न सकेको छैन। घटनापछि परिवारजन चिन्तित र व्याकुल बनेका छन्।
नाबालिकाको सुरक्षित उद्धार तथा खोजी कार्यलाई थप प्रभावकारी बनाउन बिहार प्रहरी निरीक्षक मनोज कुमार शर्माले सिद्धि मिश्राको अवस्थाबारे भरपर्दो सूचना उपलब्ध गराउने वा उनको सकुशल उद्धारमा सहयोग पुर्याउने व्यक्तिलाई रु. १ लाख नगद पुरस्कार प्रदान गरिने घोषणा गरेका छन्।
प्रहरी निरीक्षक शर्माले सिद्धिसम्बन्धी कुनै जानकारी प्राप्त भएमा वा उनलाई कतै देखेमा तत्काल आफूलाई सम्पर्क गरी सहयोग गर्न सर्वसाधारणसँग आग्रह गरेका छन्।
सम्पर्कका लागि :
प्रहरी निरीक्षक मनोज कुमार शर्मा
मोबाइल/व्हाट्सएप : +९१–८८५३७०३७६१
सिद्धिलाई सकुशल परिवारको सम्पर्कमा ल्याउन सहयोग पुग्ने विश्वासका साथ उक्त सूचना सकेसम्म धेरै मानिससम्म पुर्याइदिन परिवारले सबैमा अनुरोध गरेको छ।
